Þú ert hér://Yfirsýn – í öskju

Yfirsýn – í öskju

Höfundur: Sigurgeir Sigurjónsson

Í þessari ævintýralegu ljósmyndabók Yfirsýn fáum við alveg nýja sýn á landið okkar – við sjáum það með augum fuglsins fljúgandi enda eru ljósmyndirnar teknar úr lofti. Hér birtast óbyggðirnar í sínum óendanlega fjölbreytileika og litagnótt, kynjamyndir í jöklum og klettum, ám og vötnum, fjörum, sjávarbrimi og fjallatindum, eins og málverk eftir ókunnan snilling.

Sjálf bókin er sérlega fallegur prentgripur. Bókin er í óvenju stóru broti, prentuð á vandaðan pappír svo að hver opna verður sannkallað listaverk. Bókin er í handunninni öskju og fylgir mynd sem er sérstaklega stækkuð af listamanninum sjálfum og árituð af honum. Einnig er bókin seld í poka sem var sérstaklega hannaður fyrir gripinn.

Sigurgeir Sigurjónsson ljósmyndari hefur sent frá sér fjölda ljósmyndabóka með myndum úr íslenskri náttúru sem margar hverjar hafa náð miklum vinsældum, og nægir þar að nefna Íslandslag, Amazing Iceland og Lost in Iceland.

Guðmundur Andri Thorsson ritar inngang bókarinnar þar sem hann hugleiðir þessar mögnuðu myndir á sinn ljóðræna og íhugula hátt. Inngangurinn er á íslensku, ensku og þýsku og því er bókin tilvalin gjafabók fyrir erlenda vini.

httpv://www.youtube.com/watch?v=yKTMdN_NMPo

Verð 15.590 kr.

Gerð SíðurÚtgáfuárVerðMagn
Innbundin-2011 Verð 15.590 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /

Eftir sama höfund