Bókin um Mynd og hand hefur litið dagsins ljós, heillandi ferðalag í gegnum sex áratuga sögu Myndlista- og handíðaskóla Íslands. Í upphafi nefndur Handíðaskólinn, varð hann fljótt einn af mikilvægustu skólastofnunum landsins á sviði mennta, lista og hönnunar.
Í bókinni er dregin upp lifandi mynd af fjölbreyttu hlutverki skólans frá árinu 1939 til 1999. Hann var í senn kennaraskóli, listiðna- og hönnunarskóli, myndlistaskóli, og jafnframt vettvangur verklegrar kennslu fyrir bæði verðandi bændur og fatlaða unglinga. Ekki má gleyma vinsælu tómstundanámskeiðunum sem löðuðu að sér fjölda barna og fullorðinna ár hvert.
Bókin er ríkulega myndskreytt og fangar andrúmsloftið í starfi og lífi