Matthildur Mía er hálf hagamús og hálf húsamús. Hún er að fara í heimsókn með fjölskyldu sinni í Hagann. Matthildur er spennt fyrir ferðalaginu og að hitta alla en líka smá kvíðin því lífið í Haganum er allt öðruvísi en í borginni og henni finnst hún ekki tala nógu góða hagamúsísku. Bókin hentar vel sem léttlestrarbók.

Matthildur Mía fer í Hagann er falleg saga um að koma úr tveimur ólíkum heimum.

Diljá Hvannberg Gagu og Linn Janssen hafa áður gefið út bókina Árstíðarverur sem var tilnefnd til Verðlauna Norðurlandaráðs fyrir barna- og unglingabókmenntir og til Barnabókaverðlauna Reykjavíkur.