Þú ert hér://Karólína Lárusdóttir
Karólína Lárusdóttir
Útgefandi: JPV 2013

Karólína Lárusdóttir

Höfundur: Aðalsteinn Ingólfsson

Karólína Lárusdóttir er meðal þeirra fjölmörgu íslensku myndlistarmanna sem hafa öðlast meiri frama meðal erlendra þjóða en hér heima. Hún menntaðist í Bretlandi, m.a. í Ruskin-listaskólanum í Oxford, er mótuð af meginstraumum breskrar myndlistarhefðar og þar hefur orðstír hennar vaxið ár frá ári. En myndheimur hennar er íslenskur; myndefni sitt sækir hún ekki síst í æskuminningar sínar, úr þeim hefur hún skapað það sem breski listamaðurinn Harry Eccleston kallaði „veröldina hennar Karólínu“ og er nú þekkt víða um heim.

Í þessari einstæðu listaverkabók eru 146 litmyndir af verkum Karólínu – olíumálverkum, ætingum, akvatintum, teikningum og steinprenti – auk fjölda ljósmynda úr fjölskyldualbúmum hennar. Aðalsteinn Ingólfsson skrifar ítarlega grein um listakonuna, ævi hennar og listþróun, bæði á ensku og íslensku, og í bókarlok eru skrár yfir helstu sýningar hennar.

Allur texti bókarinnar er bæði á ensku og íslensku.

All text is in both Icelandic and English.