Ása Marin Hafsteinsdóttir, f. 1977, er kennari, námsefnishöfundur og leiðsögumaður. Hún sendi frá sér ljóðabókina Búmerang tvítug að aldri og hefur birt texta jafnt og þétt síðan. Fyrsta skáldsaga hennar, Vegur vindsins – Buen camino (2015), segir frá göngu eftir Jakobsstígnum og hlaut góðar viðtökur meðal lesenda og gagnrýnenda. Ása Marin hefur síðan skrifað þrjár skáldaðar ferðasögur: Yfir hálfan hnöttinn (2021), Elsku sólir (2022) og Sjávarhjarta (2023) sem segja frá ferðalögum um Víetnam, Spán og Karíbahafið.