Þorvaldur Sigurbjörn Helgason f. 1991, er rithöfundur og blaðamaður búsettur í Reykjavík. Hann hefur birt sögur og ljóð í tímaritum og safnritum og gefið út ljóðabækurnar Draumar á þvottasnúru og Gangverk, en fyrir þá síðarnefndu hlaut hann nýræktarstyrk Miðstöðvar íslenskra bókmennta 2018.

Samhliða skrifum hefur Þorvaldur unnið sem dagskrárgerðarmaður í útvarpi og var meðal annars umsjónarmaður þáttanna Orðin sem við skiljum ekki og Listin að brenna bækur á Rás 1.

Þorvaldur er með BA próf frá sviðshöfundabraut Listaháskóla Íslands og MA próf í ritlist frá Háskóla Íslands.