Í bókinni er að finna 20 texta af ýmsu tagi þar sem fjallað er um efni sem endurspegla margvíslega þætti í þjóðlífi enskumælandi þjóða. Textarnir eru mjög ólíkir hvað form og innihald varðar en flestir þeirra eiga það sameiginlegt að höfða sérstaklega til ungs fólks. Þá inniheldur bókin fjölbreytileg verkefni við textana þar sem áhersla er lögð á að þjálfa lesskilning og að auka og treysta orðaforðann. Bókin er einkum hugsuð fyrir nemendur í áföngunum ENS 303 og ENS 403.

Á kennara- og nemendasíðu bókarinnar má finna fleiri verkefni við textana í bókinni ásamt öðrum textum sem þeim tengjast, auk svara við verkefnunum í bókinni. Aðgangur að kennarasíðunni er bundinn við lykilorð sem má fá með því að senda póst á netfangið [email protected].

Höfundurinn, Elísabet Gunnarsdóttir, hefur starfað við enskukennslu í framhaldsskóla í fjölda ára og þýtt og samið kennsluefni í ensku.