Höfundur: Hlín Agnarsdóttir

Þetta er trúnaðarbréf Hlínar Agnarsdóttur til lesenda. Á opinskáan og einlægan hátt segir hún frá sextán ára sambúð með manni sem glímdi við alkóhólisma öll helstu manndómsárin og dó langt fyrir aldur fram úr krabbameini.

Þessi áhrifaríka saga um meðvirkni var tilnefnd til Íslensku bókmenntaverðlaunanna 2003.

Hlín sýnir okkur hér inn í heim aðstandandans, sem hún kallar mótleikara í hinum hættulega tvíleik. Fíknin herjar ekki eingöngu á þann drykkfellda heldur smitar út frá sér og brýtur niður þá sem standa honum næst.

Kærleikur og dirfska einkenna frásögn Hlínar, hún nálgast viðkvæmt efnið úr óvæntri átt og gerir þessum kafla í lífi sínu heiðarleg skil. Það er kominn tími til að halda áfram og láta lífið rætast.