Hér eru prentaðar þrjár ritgerðir sem Karl Marx (1818-1883) birti hálfþrítugur upphaflega í tímaritinu Þýsk-frönskum árbókum árið 1844. Ritgerðirnar fjalla hver með sínum hætti um hugðarefni Marx á þessum tíma, sem kenna má við róttækt lýðræði og frelsun almennings úr klóm einveldis og harðstjórnar. Ritgerðunum fylgir ítarlegur inngangur eftir þýðandann, Ottó Másson, þar sem hann rekur rætur hugsunar Marx til hugsuða á borð við G.W.F. Hegel en einnig til þjóðfélagslegra aðstæðna á fyrri hluta 19. aldar. Hér birtist hinn umdeildi þjóðfélagsrýnir Karl Marx í nýju ljósi.

Þýðing: Ottó Másson, sem einnig ritar inngang og skýringar.