Árstíðir – leikir og kennsluefni er ætluð nemendum og kennurum í íslensku sem öðru máli. Bókin er systurbók Árstíða – verkefnabókar og hefur að geyma aukið námsefni og kennsluleiðbeiningar.

Bókin inniheldur námsleiki við allar sögur Árstíða með ítarlegum leiðbeiningum á einföldu máli. Tekið er saman hvaða þemu birtast í sögum Árstíða og hvernig megi nýta þau við verkefnavinnu. Þá er að finna í bókinni útlistun á kvarðanum sem liggur til grundvallar getustigsgreiningu sagnanna í Árstíðum, auk yfirlits yfir getustig leikja. Auk þess birtast hér fleiri spurningar, yfirlit yfir hvaða verkefni megi útfæra sem hópverkefni, listi yfir gagnlegar vefsíður og hagnýtur listi yfir sögurnar í Árstíðum í stafrófsröð með blaðsíðutölum til að auðvelda uppflettingar.