Svona er Bjartmar – Hittir okkur í hjartastað.

Hér segir Bjartmar Guðlaugsson sögur úr æsku sinni, að mestu sannar. Þær eru sprenghlægilegar, hugheilar og lýsa tíðarandanum og mannfólki í íslensku samfélagi svo að af ber.

Bjartmar er einn vinsælasti og ástsælasti listamaður þjóðarinnar. Allt leikur i höndum hans; lagasmíðar, textasmíðar, ljóðlist, myndlist og sagnagerð. Lag hans, Þannig týnist tíminn, var kosið vinsælasta lag allra tíma af íslensku þjóðinni í vinsældarkosningu Ríkisútvarpsins. Hann hefur haldið fjölmargar málverkasýningar um land allt, plöturnar hans renna út og allir þekkja lögin hans.

Mikill húmor, ósvikinn hlýja en líka næmt auga fyrir lífsins gallagripum einkennir öll verk Bjartmars.

Bókina prýða frábærar myndir Bjartmars auk fjölda ljóða og söngtexta.