Þú ert hér://Byggðasaga Skagafjarðar VIII

Byggðasaga Skagafjarðar VIII

Höfundur: Hjalti Pálsson frá Hofi

Áttunda bindi Byggðasögu Skagafjarðar fjallar um Fellshrepp og Haganeshrepp. Samtals 66 býli í Sléttuhlíð, Hrolleifsdal, Bökkum, Flókadal og Vestur-Fljótum, ásamt sveitarfélagslýsingum.

Í texta og myndmáli er fjallað um þær jarðir sem verið hafa í ábúð á árabilinu 1781-2017. Hverri jörð er lýst, bygginga getið og fylgir tafla yfir fólk og áhöfn á tímabilinu 1703-2017. Eignarhald og saga jarðanna er rakin frá því þær koma fyrst við heimildir. Öllum fornbýlum og seljum er lýst og GPS stöðuhnit þeirra tilgreind.

Ábúendatal frá tímabilinu 1781-2017 fylgir jarðarlýsingum, auk fjölda innskotsgreina: þjóðsögur, vísur og frásagnir af fólki og fyrirbærum. Rík áhersla er lögð á myndefni, ný ljósmynd af hverju býli og núverandi ábúendum. Fjöldi tölvugerðra teikninga er af fornum minjum. Gamlar ljósmyndir og teikningar sýna atvinnuhætti, ýmsa staði, torfbæi og aðrar byggingar sem nú eru horfnar.

Bókin er 528 blaðsíður með rúmlega 780 ljósmyndum, kortum og teikningum. Ljósmyndaskrá er í bókarlok en skrár manna- og staðarnafna bíða lokabindis sem verður hið tíunda. Þar verður auk þess fjallað um Hofsóshrepp, Málmey, Drangey og verslunarstaðinn Grafarós. Níunda og næstsíðasta bindið fjallar um Holtshrepp og með honum verslunarstaðinn Haganesvík og Haganesjarðirnar.

Verð 15.990 kr.

Gerð SíðurÚtgáfuárVerðMagn
Innbundin 528 2017 Verð 15.990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / /