Hildur Hákonardóttir listakona og rithöfundur nýtir hér samtalsformið til þess að rekja sögu löngu horfinna biskupsfrúa Skálholtsstaðar allt frá siðaskiptum til þess tíma er jarðeigandinn og stórhöfðinginn Valgerður Jónsdóttir yfirgefur Skálholt snemma á 19. öld.

Þessar sögur hafa verið faldar í myrkviði horfinna alda enda er oftlega fjallað um konur fortíðar nánast eins og um væri að ræða vel þekkta, meinlausa dýrategund sem deilir landinu með körlum. Frásögn höfundar gerir líf hinna löngu gengnu kvenna nákomið og ljóslifandi fyrir lesendum.

Hvað er svona merkilegt við það er tveggja binda verk og kom fyrra bindið út 2019 en seinna bindið í ársbyrjun 2021.