Höfundur: Clare Mackintosh

Hjónin Max og Pip eru samhent, þau eru bestu vinir, elskendur – ekkert virðist hagga þeim. Þegar sonur þeirra veikist segja læknarnir að þau verði að taka ákvörðun um líf hans. Í fyrsta skipti eru þau Max og Pip ekki sammála hvaða leið skuli velja.

Eftir endalokin er tilfinningaþrungin og merkileg könnun á ástinni, hjónabandinu, og hvað fylgir því að vera foreldri. Einlæg frásögnin lýsir leiðinni frá nístandi sorg og söknuði til sáttar. Þegar einar dyr lokast opnast stundum aðrar.

Áhrifamikil og afar persónuleg saga frá spennusagnahöfundinum Clare Mackintosh.

Magnea J. Matthíasdóttir þýddi.