Höfundur: Anna Grue

Á köldu nóvemberkvöldi er hin hægláta Lilliana myrt á auglýsingastofunni þar sem hún vann við ræstingar. Rannsókn lögreglu rekur í strand þegar í ljós kemur að enginn veit fullt nafn hennar, þjóðerni eða heimilisfang og enginn virðist sakna hennar. Nokkrum dögum síðar finnst lík annarrar ungrar erlendrar konu. Hljóta þessi mál ekki að tengjast?

Dan Sommerdahl, listrænn stjórnandi auglýsingastofunnar, dregst inn í rannsóknina og veltir við steinum í smábænum Christianssund. Samstarfsfólk og vinir virðast flækt í eitthvað dularfullt – en hve langt eru þau tilbúin að ganga? Og býr kannski göfugt markmið að baki?

Anna Grue hafði starfað sem blaðamaður og ritstjóri í 25 ár þegar hún fór að skrifa glæpasögur árið 2005. Fallið er hátt er fyrsta bókin um sköllótta einkaspæjarann Dan Sommerdahl.

Berglind Steinsdóttir þýddi.