Bókin hefur að geyma fimm sögur sem eru mismunandi að lengd. Sögurnar fjalla vítt og breitt um dyggðir og breyskleika mannsins.

Í Fléttum er breitt yfir skelfilegan ósóma með einum stuttum vinafundi og í Endurmati skoðar vansæl eiginkona líf sitt upp á nýtt eftir kaup á skyrtu fyrir eiginmanninn.

Í titilsögunni tekur söguhetjan sér það fyrir hendur að koma frænda sínum frá drykkfelldri móður sinni og í Þriðja manninum er flygill fluttur upp í fjallshlíð að ósk sérviturs píanóleikara.

Í Borgundarhólmsklukkunni gengur mannhæðarhá klukka niður Laugaveginn og reynir að vekja fólk til vitundar um …

Höfundur hefur áður gefið út þrjár ljóðabækur. Þetta er fyrsta verk hans í óbundnu máli.