Þú ert hér://Grámosinn glóir

Grámosinn glóir

Höfundur: Thor Vilhjálmsson

Var þetta morð? Hver eru mörk ástarinnar? Hver er sekur? Og hvernig á ungur menntamaður með skáldadrauma, nýkominn úr laufskálum heimsmenningar, að dæma í þessu skelfilega máli í afskekktri byggð á Íslandi?

Morð í afdal. Ást í meinum. Sekt og sakleysi, heimsmenning og öræfi, skáldskapur, sannleikur, ofbeldi, vald: Grámosinn glóir eftir Thor Vilhjálmsson er margstefja saga og hljómmikil, en jafnframt auðlesin og sterk. Efni hennar er sótt í kunn íslensk sakamál frá síðari hluta 19. aldar, höfundur nýtir sér tækni spennusagna og ástarsagna, en öll lýtur frásögnin lögmálum skáldskapar. Fáir höfundar rita glæsilegri íslensku, og í þessu verki er einstæð orðgnótt Thors í þjónustu sannrar frásagnarlistar, þar sem söguþráðurinn er grípandi og persónur minnistæðar.

Engin íslensk skáldsaga síðari ára hefur hlotið aðrar eins viðtökur og Grámosinn glóir. Hún var ein af söluhæstu bókunum árið sem hún kom út, 1986, og hlaut hástemmt lof gagnrýnenda. Síðar átti hún eftir að færa höfundi sínum Bókmenntaverðlaun Norðurlandaráðs og útgáfur á fjölmörgum þjóðtungum.

 

Verð 510 kr.

Ekki til á lager

Gerð SíðurÚtgáfuárVerðMagn
Kilja-1989 Verð 510 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / /

3 umsagnir um Grámosinn glóir

  1. Kristrun Hauksdottir

    „Dapurleg fegurð landslagsins á Íslandi, rétt eins og persónurnar, sem eru blanda af næmni og innri sársauka, gera þessa áhrifamiklu bók að skáldsögu sem er í senn átakanleg og heillandi.“
    V.E., Femina

  2. Kristrun Hauksdottir

    „Þegar maður les Vilhjálmsson hefur maður á tilfinningunni að maður standi frammi fyrir kraftmiklu ritverki, eins og það sé umlukið geislabaugi….Maður er líka furðu lostinn yfir byggingu verksins, sem er hárfín eins og raunar allt annað í bókinni sem magnar upp áhrifamátt þessa frábæra texta.“
    Denis Gennart, La Libre Belgique

  3. Kristrun Hauksdottir

    „Með tungutaki sem sameinar íslenzka frásagnarhefð og nútímaleg tjáningarform lýsir hann örlagaríkri ferð dómara um töfraþrungið landslag, þar sem glímt er við grundvallarspurningar tilverunnar um ábyrgð og sekt, um skáldskap og veruleika frá ótal sjónarhornum.“
    Dómnefnd Bókmenntaverðlauna Norðurlandaráðs

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund