GRILL hefur að geyma fleiri en 100 girnilegar uppskriftir úr smiðju Viktors og Hinriks í Sælkerabúðinni ásamt góðum ráðum um grill- og eldunaraðferðir. Réttir bókarinnar eru fjölbreyttir og hver öðrum gómsætari. Hráefnið er af ýmsum toga, allt frá nauti til grænmetis, villibráðar til skelfisks og sósum til eftirrétta.

GRILL er yfirgripsmikil og falleg matreiðslubók sem blæs grillurum eldmóði í brjóst og tryggir að allir geti framreitt hina fullkomnu steik.

Viktor Örn Andrésson og Hinrik Örn Lárusson eru margverðlaunaðir matreiðslumenn sem hafa getið sér gott orð bæði hérlendis og erlendis. Þeir opnuðu Sælkerabúðina árið 2020 við góðan orðstír.

Bókina prýða fallegar ljósmyndir Heiðdísar Guðbjargar Gunnarsdóttur.