Finnski kranamaðurinn Pirjeri Ryynänen hefur fyrir sið að horfa til himins úr hásæti stýrishússins, ávarpa Guð sinn og benda á það sem betur má fara í fallvöltum heimi.

Dag nokkurn fær kranamaðurinn viðbrögð við ákalli sínu þegar honum er falið að leysa Guð af í eitt ár eða svo. Úr verður grípandi og ærslafull frásögn sem fer út um víðan völl og kitlar hláturstaugar lesandans allt frá upphafi til söguloka.

Óborganleg skemmtisaga eftir meistara háðsins.