Höfundur: Tove Jansson

Hvað eiga múmínálfarnir til bragðs að taka þegar von er á halastjörnu til jarðarinnar og kannski verður heimsendir?

Múmínsnáðinn og Snabbi leggja af stað í langa og háskalega ferð áleiðis til geimrannsóknastöðvar sem stendur á hæsta tindi Einmanafjallanna. Þar búa vísindamenn sem vita allt um halastjörnur og aðrar stjörnur og ef til vill er hægt að leita ráða hjá þeim.

Á leiðinni hitta þeir Snúð með tjaldið sitt og munnhörpuna og seinna koma snorksystkinin til sögunnar. Margar hættur steðja að hópnum áður en hann kemst aftur heim í múmíndalinn og leitar skjóls í hellinum hans Snabba rétt áður en halastjarnan hrapar af himnum ofan.

Bækurnar um múmínálfana komu fyrst út á íslensku fyrir fjórum áratugum í frábærri þýðingu Steinunnar Briem. Þessi bók geymir nákvæma endurgerð af útgáfu Arnar og Örlygs á Halastjörnunni frá 1971.