Þú ert hér://Hetjur og hugarvíl

Hetjur og hugarvíl

Höfundur: Óttar Guðmundsson

Óttar Guðmundsson læknir ræðst alltaf á garðinn þar sem hann er hæstur. Hann hefur áður fjallað um kynlíf, áfengi, dauðann og sögu geðlækninga. Í bókinni Hetjur og hugarvíl - geðsjúkdómar og persónuleikaraskanir í Íslendingasögum tekst hann á við hefðbundna sýn á Íslendingasögur og beitir fagþekkingu sinni á óvæntan hátt.

Hvaða geðvandamál hrjáðu Gunnar, Hallgerði, Skarphéðin og Njál? Hvaða áhrif höfðu þau á atburði Brennu-Njáls sögu? Hver er skoðun geðlæknisins á ástamálum Guðrúnar Ósvífursdóttur, Kjartans og Bolla?

Þessum spurningum og mörgum öðrum er reynt að svara í bók sem á engan sinn líka í Íslendingasagnarannsóknum.

Torfi Tulinius prófessor ritar eftirmála og segir þar meðal annars:
Hér tekur Óttar Guðmundsson læknir sér fyrir hendur að varpa ljósi nútímageðlæknisfræði á helstu hetjur Íslendingasagna og beitir til þess aðferð sem er bæði skemmtileg og hugvitsöm. Hann tekur upp helstu atriði úr sögunum sem varða persónurnar, hegðun þeirra og lyndiseinkunn og setur fram geðgreiningu sem studd er ímynduðum viðtölum hans við þær. Á grundvelli þessarar greiningar setur hann fram tilgátur um hvernig slíkri persónu myndi reiða af í nútímasamfélagi.

„... Einhver æsilegasti texti sem ég hef lesið í vetur ... Þetta er hrikalega skemmtileg bók."
Egill Helgason / Kiljan

****
„Hugmyndin er snjöll og vel útfærð. Höfundurinn er vel máli farinn, skáldsögurnar gömlu hlutaðar í sundur frá sjónarhóli okkar daga af mikilli rýni og skarpleika, Óttar er naskur og hvergi er komið að tómum kofanum hjá honum ... Rit Óttars er skemmtilegt að því leytinu að það er hraðsoðið og dvelur ekki við langar úttektir ...“

Páll Baldvin Baldvinsson / Fréttatíminn

****
„Bók Óttars er ekki bara skemmtileg heldur vekur spurningar og áhuga hjá lesandanum að endurnýja kynni við Íslendingasögurnar. Bókin er einnig gott yfirlit yfir nokkur meginatriði í geðlæknisfræði. Ekki fer hjá því að lesandinn kannist við ýmsar persónur sem Óttar greinir í bók sinni og því má segja að bókin auki skilning á fólki sem maður umgengst í daglegu lífi.“

Egill Ólafsson / Morgunblaðið

„Þetta er hrikalega sniðug og skemmtileg bók sem fær mann til að sjá persónurnar og atburðina í alveg nýju ljósi.“
Guðríður Haraldsdóttir / Vikan

Verð 2.375 kr.

Gerð SíðurÚtgáfuárVerðMagn
Kilja2392012 Verð 2.375 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /

Eftir sama höfund