Í Húðbókinni finnur þú allt sem þú þarft að vita um húðina og lærir hvernig hægt er að viðhalda heilbrigði hennar og ljóma. Fjallað er ýtarlega um hvaða áhrif lífsvenjur og næring hafa á húðina.

Bókin skiptist í fjóra hluta. Í þeim fyrsta er fjallað um starfsemi húðarinnar og þær venjur sem bæta hana eða skaða. Í öðrum hluta eru uppskriftir að girnilegum og hollum mat sem nærir húðina. Í þriðja hluta er sýnt hvernig hægt er að næra húðina utan frá, kenndar andlitsæfingar og fjallað um algeng húðvandamál, svo sem sólarskaða, húðþurrk og bólur. Í fjórða hluta eru einfaldar uppskriftir að húðvörum.