Þú ert hér://Í kompaníi við allífið – Matthías Johannessen ræðir við Þórberg Þórðarson

Í kompaníi við allífið – Matthías Johannessen ræðir við Þórberg Þórðarson

Höfundur: Matthías Johannessen

Árið er 1958; kalda stríðið í algleymingi. Útgefandinn Ragnar í Smára fær ungan blaðamann á Morgunblaðinu til að taka viðtal við einn elsta og frægasta rithöfund þjóðarinnar; sem er sósíalisti ofan í kaupið. Blaðamaðurinn er Matthías Johannessen og rithöfundurinn Þórbergur Þórðarson.

Þetta er hugmynd sem ekki á að vera hægt að gera að veruleika. En viti menn. Þórbergi líkar svo vel við unga blaðamanninn, sem verður altekinn af verkefninu, að úr varð bók sem kom út 12. marz 1959, á sjötugsafmæli Þórbergs.

Í kompaníi við allífið er ómetanleg heimild um manninn og rithöfundinn Þórberg Þórðarson. Ekki síður er hún stórmerk heimild um Matthías, unga blaðamanninn með skáldlega innsæið. Hún er einstök í röð íslenskra viðtalsbóka. Bókin hefur verið ófáanleg um langt árabil en kemur núna í nýrri útgáfu.

Einnig birtist hér viðtal Matthíasar við Þórberg fimm árum síðar. Þá skrifar Matthías um einlæga vináttu þeirra Þórbergs og Margrétar, konu hans. Hann lýsir af mikilli einlægni og virðingu síðustu vikum Þórbergs í þessu jarðlífi og segir frá útför hans, sem var um margt óvenjuleg.

Verð 3.390 kr.

Gerð SíðurÚtgáfuárVerðMagn
Kilja 378 2017 Verð 3.390 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /