Jónas er kominn í jólafrí. Hann hlakkar mikið til að fá gómsæta jólasteik – og skógjafir frá jólasveinunum! En 19. desember er skórinn hans tómur úti í glugga og úti í fjárhúsi rekst hann á afar skrítinn karl. Jónas býður karlinum inn í hús og þá gerast heldur betur undarlegir hlutir!

Í Ljósaseríunni eru bækur sem eru sniðnar að þörfum nýrra lesenda og kjörnar fyrir þá sem eru að æfa sig í lestri. Bækurnar eru misþungar en hafa allar þægilegt letur og rúmt línubil. Góða skemmtun!