Bæta á óskalistaEr á óskalista
Bæta á óskalista
Málverkið
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2011 | 323 | Original price was: 4.140 kr..690 kr.Current price is: 690 kr.. | ||
| Kilja | 2012 | 323 | Original price was: 990 kr..690 kr.Current price is: 690 kr.. | ||
| Rafbók | 2011 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2011 | 323 | Original price was: 4.140 kr..690 kr.Current price is: 690 kr.. | ||
| Kilja | 2012 | 323 | Original price was: 990 kr..690 kr.Current price is: 690 kr.. | ||
| Rafbók | 2011 | 990 kr. |
Um bókina
Sumarið 1944 geisar illvígt borgarastríð á Ítalíu þar sem hersveitir Mussolinis og Hitlers berjast við sóknarheri bandamanna og ítalska skæruliða. Yfirfull lest á norðurleið frá Róm verður fyrir sprengju og íslenski myndlistarmaðurinn Kristín Jónsdóttir bjargast við illan leik heim á búgarðinn San Martino í Toskana. Enska húsfrúin, Marchesa Alice Orsini, lætur hlynna að henni eins og öðrum flóttamönnum sem þar leita skjóls meðan hún bíður sjálf eftir því að bóndi hennar snúi aftur. Alice veit ekki betur en að koma Kristínar sé tilviljun, en raunar á Kristín erindi einmitt á þennan stað …
Í Málverkinu spinnur Ólafur Jóhann Ólafsson saman örlagasögur Alice og eiginmanns hennar og Kristínar og meistarans sem hún vann hjá. Átökin eru hörð í stríði milli þjóða, stríði milli einstaklinga og í því stríði sem einstaklingurinn heyr í eigin brjósti.
Ólafur Jóhann Ólafsson fékk Íslensku bókmenntaverðlaunin fyrir síðustu bók sína, sagnasafnið Aldingarðinn (2006), og ein sagan, Apríl, hlaut O. Henry-verðlaunin í Bandaríkjunum árið 2008. Bækur hans hafa verið gefnar út á um tuttugu tungumálum og skáldsögurnar Höll minninganna og Slóð fiðrildanna voru báðar tilnefndar til IMPAC Dublin-bókmenntaverðlaunanna.
Málverkið er áttunda skáldsaga hans og sú áhrifamesta.
ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.
5 umsagnir um Málverkið
Elín Edda Pálsdóttir –
„Listilega gert málverk … málfarið stílhreint og tært. En undir fáguðu og tandurhreinu yfirborði kraumar heit ást, afbrýði, hatur og hefnd. … Fjölmargir aðdáendur hans Ólafs verða varla fyrir vonbrigðum með nýjasta sköpunarverk hans … vel skrifuð bók … fyrst og fremst skemmtileg.“
Anna Lilja Þórisdóttir / Morgunblaðið
Elín Edda Pálsdóttir –
„Sögusviðið dregið mjög sterkum dráttum … Frásagnartækni höfundar nýtur sín ofboðslega vel … Þetta er „pageturner“.“
Egill Helgason / Kiljan
Elín Edda Pálsdóttir –
„Besta bók Ólafs Jóhanns … Mjög góður að skrifa um konur … gríðarlega vel heppnað verk og það er gaman að lesa það.”
Kolbrún Bergþórsdóttir / Kiljan
Elín Edda Pálsdóttir –
„Yfir stíl bókarinnar hvílir einhver mildi, sem veldur því að heildarsvipur sögunnar verður ofboð fallegur, þó að greint sé frá sorgum og óhugnaði ásta og stríðs … Ólafi Jóhanni tekst ákaflega vel upp í þessari skáldsögu. Sýnilega vinnur hann úr heimildum af kostgæfni, en fyrst og fremst er Málverkið þó fagurlega skrifuð skáldsaga um örlög einstaklinga; ást, missi og eftirsjá … Eftirminnileg saga, svo vel unnin og fallega saman sett að það er hreinlega aðdáunarvert.”
Þórunn Hrefna Sigurjónsdóttir / Fréttablaðið
Elín Edda Pálsdóttir –
„Málverkið er margbrotið skáldverk þar sem pakkað er saman miklum örlögum … [Ólafur Jóhann] er flinkur að spinna þráð sem er fagurfræðilega fullnægjandi, hlaðinn spennu og rómans …”
Páll Baldvin Baldvinsson / Fréttatíminn