Mía, Moli og Maríus – Vandræðasögur er einstaklega falleg og eiguleg barnabók sem er hugsuð fyrir aldurshópinn 3-6 ára. Markmið hennar er að efla tilfinningameðvitund og samkennd.

Í bókinni eru sagðar 5 sögur þar sem leikskólavinirnir Mía, Moli og Maríus lenda í kunnuglegum ágreiningi. Sögurnar leiða lesendur í gegnum aðstæðurnar á gamansaman hátt, með gagnvirkum lestri. Á hápunkti ágreiningsins eru sögurnar stoppaðar og sjónarhorninu viljandi beint frá einni sögupersónu til annarrar, til þess að þjálfa barnið í að setja sig í spor annarra.

Bókinni er ætlað að veita börnum og uppalendum verkfæri til að ræða þær margvíslegu og oft á tíðum flóknu aðstæður og tilfinningar sem upp koma í hinu daglega lífi.

Myndskreytir er Ragnheiður Jónsdóttir.

Barnavinafélagið Sumargjöf styrkti útgáfu bókarinnar.