… ég sé enn dökku augun hennar … hún horfði á mig meðan presturinn var að nauðga henni … bað mig að hjálpa sér en ég gerði það ekki …

Prestur á líknardeild leitar til Stellu með hinstu játningu sem snýst um nauðgun og hvarf tólf ára stúlku norður á Ströndum tuttugu árum fyrr. Gömul kærasta Stellu verður fyrir dularfullri líkamsárás á Snæfellsnesi og skjólstæðingur ferst í hrikalegri sprengingu á flokksþingi Þjóðfrelsisflokksins í Háskólabíó. Það er því í nógu að snúast fyrir grjótharðan lögmann sem lætur ekkert stöðva sig í að fá réttlætinu framgengt.

Stella Blómkvist hefur haldið svartfuglum, jakkalökkum og glæponum við efnið í meira en tvo áratugi og á dyggan aðdáendahóp. Morðin í Háskólabíó er ellefta bókin um stjörnulögmanninn kjaftfora.

Morðin í Háskólabíó er bók mánaðarins í maí í bókabúð Forlagsins.