Höfundar: Kristjana Hallgrímsdóttir, Guðbjörg Dóra Grímsdóttir, Guðbjörg Sverrisdóttir

Skerpa er námsefni í íslensku fyrir 8.-10. bekk grunnskóla eftir þær Guðbjörgu Grímsdóttur, Guðbjörgu Dóru Sverrisdóttur og Kristjönu Hallgrímsdóttur. Námsefnið samanstendur af verkefnabókum fyrir hvern árgang og vef fyrir bæði nemendur og kennara.

Uppbygging verkefnabóka allra árganganna er sú sama. Hver bók skiptist í 8 til 10 lotur og áætlaður vinnutími hverrar lotu er þrjár vikur. Hver lota hefst á markmiðum og glósum, það styður einstaklingsmiðað nám og eykur færni nemenda til að takast á við það. Síðan fylgja ýmiss konar verkefni úr öllum þáttum íslenskunnar sem gera nemendur að betri málnotendum á tímum tölvumálfars og hnignandi málvitundar.

Mikil áhersla er lögð á að verkefnin reyni á rökhugsun, skilning og færni einstaklingsins til að skipuleggja nám sitt í nútíð og framtíð. Skipulagið auðveldar bráðgerum nemendum að fara hraðar í gegnum námið. Skerpu fylgir sérstakur vefur sem skiptist í tvo hluta, kennarasíðu og nemendasíðu. Aðgangur þeim skjölum sem geymd eru á hvorum hluta fyrir sig er bundinn við aðgangsorð. Vefurinn er hýstur á slóðinni skerpa.forlagid.is.

Kennarasíðan hefur að geyma margvísleg hjálpargögn fyrir kennara. Þar má meðal annars finna leslista og verkefnaskrár, glósur, kennsluleiðbeiningar, upprifjunarhefti, málfræðikver og bókmenntakver, próf, lausnir og margt fleira. Á nemendasíðunni eru meðal annars gagnvirk sjálfspróf, hugtakalistar og kennslukver í málfræði og ritun.