Þú ert hér://Skotgrafarvegur

Skotgrafarvegur

Höfundur: Kari Hotakainen

Bókin fjallar um Matta sem er friðsemdarmaður og lítt til vandræða – samt er Helena kona hans farin frá honum með fimm ára dóttur þeirra og býr nú hjá vinkonu sinni. Hann hefur verið heimavinnandi síðan dóttirin fæddist og séð um hana, fætt hana og klætt, eldað og þrifið heimilið svo að Helena gæti unnið og sinnt sínum áhugamálum. Eiga þetta að vera launin?
Þessi óvænta staða kallar á aðgerðir í stað orða. Matti minnist þess að Helenu hafði dreymt um eigið hús, en sjálfur hafði hann verið á móti. Niðurstaða hans er því einföld: Ef hann kaupir hús fær hann fjölskyldu sína aftur til sín.
Matti gengur til verks af hernaðarlegri nákvæmni. Vopnaður kíki, segulbandi og minnisbók fer hann kerfisbundið um helstu hverfi Helsinkiborgar í leit að rétta húsinu. Sumir húseigendur taka ágengni hans vægast sagt illa, en Matti gefur ekkert eftir, og allra síst eftir að hann hefur fundið draumahúsið.
Í stríði og ástum er allt leyfilegt.

Skotgrafarvegur er drepfyndin og frábærlega vel skrifuð saga sem farið hefur mikla sigurför um flest Evrópulönd og alls staðar orðið metsölubók. Fyrir hana hlaut Kari Hotakainen Bókmenntaverðlaun Norðurlandaráðs árið 2004, auk fjölda annarra verðlauna, m.a. hin virtu Finlandia verðlaun.

Steinunn Guðmundsdóttir þýddi.

Verð 990 kr.

Gerð SíðurÚtgáfuárVerðMagn
Kilja2922005 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / /