Lára á sér marga drauma. Hana langar til að eignast kærasta, ganga eftir Kínamúrnum, læra leiklist, fljúga í loftbelg, borða krókódíl, fara í hæsta rússíbana í heimi og stofna minningarsjóð um litla bróður. En hlutirnir eiga það til að fara úr skorðum og Lára hefur ævinlega átt auðvelt með að rata í vandræði. Er rétt að ræna banka til að hjálpa nauðstöddum börnum? Þessari spurningu þarf Lára að svara og fyrr en varir er hún flækt í hættulega atburðarás. Söngur snáksins er æsispennandi saga sem er um leið hugljúf og full af húmor.