Lögreglufulltrúinn Karen Eiken Hornby er í fríi og heldur jól með fjölskyldu og vinum – og er eiginlega búin að fá nóg af þeim í bili. Satt að segja léttir henni þegar hún er óvænt kölluð til Noorö, nyrstu eyjar Doggerlands, þar sem rætur hennar liggja, til að stýra rannsókn á voveiflegu andláti aldraðs manns. Þegar annað morð er framið fer hana að gruna að málið tengist ekki bara viskíverksmiðju eyjarinnar og gömlum ættarerjum heldur einnig ættingjum hennar sjálfrar, sem kunna að hafa ýmislegt óhreint í pokahorninu. Um leið þarf hún að takast á við eigin fortíðardrauga – og hjálpa vinkonu sinni sem býr við ofbeldi og ógn.

Maria Adolfsson sló rækilega í gegn með bókinni Feilspor sem gerist á tilbúnum eyjaklasa í Norðursjónum, Doggerland. Bækurnar hennar hafa þegar verið þýddar á 18 tungumál og náð miklum vinsældum.

Ísak Harðarson þýddi.