Höfundur: Tomi Ungerer

Þrjár sígildar barnabækur eftir meistarann Tomi Ungerer. Ógleymanlegar sögur með glæsilegum myndskreytingum höfundarins. Bækurnar eru seldar saman í fallegu bókaknippi.

Hvað gerist þegar Máni tekur sér far með halastjörnu af tunglinu og hafnar á jörðinni?

Hvað gerir maður við sísvangan tröllkarl sem er sólginn í að éta lítil börn?

Getur hugrökk og ráðagóð stúlka fengið þrjá grimma ræningja til að bæta ráð sitt?

Tomi Ungerer (1931–2019) gjörbreytti því hvernig barnabækur 20. aldarinnar voru skrifaðar. Í stað þess að sýna börnum dauðhreinsaðan og falskan heim, þar sem allar sögupersónur eru einfaldar, flatar og hamingjusamar, var hann óhræddur við að draga upp mynd af flóknari veröld og takast á við myrkari hliðar tilverunnar. Honum hefur verið lýst sem „hinum eina sanna arftaka Grimmsbræðra og Hans Christian Andersen“ (The New York Times Book Review). Hann hlaut ótal viðurkenningar og verðlaun fyrir verk sín og er einn af dáðustu barnabókahöfundum tuttugustu aldar.