Brynhildur Þórarinsdóttir er höfundur að nýjum fræðsluvef um miðaldabókmenntir www.islendingasogur.is . Brynhildur er einmitt höfundur vinsælla barnabóka þar sem Íslendingasögurnar Egla, Laxdæla og Njála eru endursagðar.
Vefsíðan er ætluð fyrir krakka á grunnskólaaldri, kennara og aðra áhugasama sem vilja kynnast Íslendingasögunum, ritunartíma þeirra og Víkingaöld á einfaldan og aðgengilegan hátt. Á vefnum eru einnig verkefni, blogg og kennarar geta nálgast kennsluleiðbeiningar um efnið.
Vefurinn er líflega uppsettur með myndum eftir Margréti E. Laxness en hún myndskreytti fyrrnefndar barnaútgáfur að Eglu, Laxdælu og Njálu.
