Edda Snorra Sturlusonar var rituð á fyrri hluta 13. aldar; verkið var hugsað sem kennslubók í skáldskap og bragfræði en varð um leið einstök heimild um norræna goðafræði og germanskan sagnaarf.

Snorra-Edda hefur lengi verið kennsluefni í framhaldsskólum landsins og textinn reynst mörgum erfiður viðureignar. Í þessari útgáfu hefur ný leið verið valin; Bjarki Bjarnason hefur snúið hluta Snorra-Eddu á auðskiljanlegt nútímamál og opnað öllum almenningi þetta stórkostlega verk.