Jodie Jackson er alveg búin á því. Hún grunar eiginmanninn Chris um framhjáhald og sorgin hefur skilið eftir sig djúp spor í lífi þeirra. Það er því kærkomið þegar bróðir hennar býður henni að dvelja í húsbátnum Sólskinsdagar á Wighteyju til að slaka á og hlaða batteríin.

Lífið á eyjunni reynist þó heldur litríkara en Jodie hafði séð fyrir sér og háværir, málglaðir og sérlundaðir eyjaskeggjar spilla friðnum til að byrja með. Með tímanum eignast hún þó dýrmæta vini og kynnist bæði ástinni og nýjum hliðum á sjálfri sér. En þá bankar fortíðin upp á.

Carole Matthews er breskur rithöfundur sem hefur hitt lesendur um allan heim beint í hjartastað með húmor, hlýju og heillandi sögupersónum.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 15 klukkustundir og 58 mínútur að lengd. Þórunn Erna Clausen les.