Í meira en tvo áratugi hafa ævintýrin um Benedikt búálf og félaga heillað íslensk börn svo um munar, hvort sem er í bókum eða á leiksviði. Benedikt hefur verið góðvinur okkar síðan fyrsta bókin um hann kom út, enda er hann sannkallaður galdraálfur sem ratar í æsispennandi ævintýri og er fljótur að finna lausnir á flóknustu vandamálum.

Hér eru saman komnar fyrstu þrjár sögurnar um ævintýri Benedikts búálfs og vina hans í Álfheimum: Benedikt búálfur, Eldþursar í álögum og Andinn í Miklaskógi.