Sex smásögur, sjálfstæðar en þó laustengdar. Hér sýnir Fríða Á. Sigurðardóttir enn og aftur að hún kann þá list að halda lesendum sínum föngnum. Gömul kona óttast dauðann, telpukríli í heimi sem er mörgum númerum of stór ­ persónurnar eru konur á öllum aldri sem sveiflast milli raun- og draumheima, nútíðar og fortíðar, veruleika og ævintýra. Eins og margbreytileiki lífsins bíður upp á. Stíllinn er fágaður og heilsteyptur, en um leið óheftur og frjór. Tónninn ljúfsár, sambland saknaðar og trega, ástar til lífsins, en um leið óvissu og efasemda. Fríða hlaut Bókmenntaverðlaun Norðurlandaráðs árið 1992.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 3 klukkustundir og 9 mínútur að lengd. Birna Pétursdóttir les.