Hún fékk það verkefni að gera kirkjuglugga, Maríu með soninn, sögðu þeir sem pöntuðu, en eftir nokkrar tilraunir liggur henni við örvæntingu. Ekki svo að skilja, hún getur svo sem dregirð upp myndina gamalkunnu sem ætla má að pöntunarmennirnir sjái fyrir sér. Því allar tilraunir Hildar eru eftirlíkingar, bara vel unnið handverk. Þá er það sem elskuhinn Páll missir út úr sér nafn Unu, hún gæti kannski orðið fyrirmynd. En hvað varðar Hildi um hans fyrrverandi eða hvað þær nú heita? Samt fær hún ekki varist þráhyggjunni – hún verður að finna Unu.

Maríuglugginn (1998) er tilfinningaheit og hrífandi saga sem fjallar um leitina að því lífvænlega í heimi sem virðist öðru fremur næra lygina, óttann og grimmdina. Sjaldan hefur skáldkegt innsæi og stílgáfa Fríðu Á. Sigurðardóttur risið hærra en í þessari mögnuðu lýsingu á nútímafólki í ótta, spurn – og leit.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 12 klukkustundir og 8 mínútur að lengd. Lára Sveinsdóttir les.