Bítlaæðið berst með segulbandstæki inn í veröld hverfisins og í kjölfarið er dauflegt um að litast á stofunni hjá Antoni rakara. Hann lætur þó ekki bugast og gerist æskulýðsleiðtogi og frumkvöðull í dúfnarækt í hverfinu. Kofar rísa og blómleg dúfnaverslun hefst. En brátt taka ýmsar hættur að steðja að þessari nýju og góðu veröld. Antoni, Didda dúfnakóngi, Jóa og Óla og fleirum tekst reyndar að verjast ásókn Fredda feita og ára hans úr Djúpunum en geigvænlegri eru þó samstilltir kraftar húsmæðra og borgaryfirvalda. Þessi ljóðræna saga sem gerist í Reykjavík 7.áratugarins er sjálfstætt framhalda bókarinnar Riddara hringstigans.