Þetta síðara bindi aldarinnar sextándu tekur yfir seinni helming aldarinnar þegar hinn lútherski siður er smám saman að festa sig í sessi. Líkt og í fyrri “öldum” eru atburðir raktir í lifandi og aðgengilegu formi fréttablaðs og bókin er prýdd fjölda mynda, ýmsum harla fáséðum. “Aldirnar” eru nú orðnar ellefu bindi og gera skil sögu þjóðarinnar í samfellt 470 ár.

Í bókunum eru hátt á fjórða þúsund myndir og mun í engu öðru ritverki að finna slíkt safn íslenskra mynda. “Aldirnar” eru lifandi saga liðinna atburða í máli og myndum. Þær eru fullar af fróðleik og jafnframt svo skemmtilegt lestrarefni að naumast hafa komið út á íslensku bækur sem njóta jafnalmennra vinsælda fólks á öllum aldri.