Ævintýraleg og skemmtileg hárgreiðslubók þar sem sýndar eru yfir 60 ólíkar útfærslur af greiðslum fyrir hárprúðar stelpur.

Bókina prýða einstaklega fallegar og líflegar ljósmyndir teknar af Sögu Sig og er hver greiðsla útskýrð á einfaldan og aðgengilegan hátt í máli og myndum.

Theodóra Mjöll, höfundur metsölubókarinnar Hársins, kennir lesendum margskonar útfærslur á fléttum í bland við kaðla, snúða, kúlur, hnúta og margt fleira. Byrjendur jafnt sem lengra komnir munu finna eitthvað við sitt hæfi og litlar lokkaprúðar stelpur verða ekki í vandræðum með að finna sínar uppáhaldsgreiðslur.