Ritgerðir I – greinar, mannaminni, ástarsaga er eftir Sigurð Sigurmundsson frá Hvítárholti. Bókin sem höfundur kýs að kalla Ritgerðir I, hefur að geyma greinar um margvísleg málefni; þar má m.a. nefna ritgerðir um skáldin Guðmund Magnússon (Jón Trausta), Guðmund Friðjónsson á Sandi og Guðmund skólaskáld Guðmundsson.

Þá er í bókinni athugasemd við bókina Smiður Andrésson eftir Benedikt Gíslason, grein um stjórnarmyndun Gunnars Thoroddsen og athugasemd við ritdóm um bók höfundar, Spænsk-íslenska orðabók. Ennfremur eru í bókinni eftirmæli um sautján samferðamenn höfundar. Bókinni lýkur með sögunni L. Arrabiata eftir Paul Heyse í þýðingu höfundar.