Höfundur: Quentin Bates

Tveir smákrimmar ræna einn stærsta eiturlyfjasalann í Reykjavík. Þeir höfðu lagt á ráðin um að komast fljótt til sólarlanda með ránsfenginn sem er há fjárhæð í evru-seðlum. En allar ráðagerðir fara út í veður og vind þegar flóttabíllinn kemur ekki á tilsettum tíma.

Þeir ræna í staðinn bíl tveggja kvenna og neyða konurnar til að fara með sér út í sveit. Þar fara þeir í felur á afskekktu sveitahóteli sem er lokað yfir veturinn. Það kyngir niður snjó og spennan magnast á hótelinu meðan krimmarnir leggja á ráðin um næstu skref. Yfir þeim vofir hrottafengin hefnd eiturlyfjasalans og leit lögreglunnar að mannræningjum kvennanna. Í hönd fer æsileg atburðarás með kómísku ívafi og óvæntum uppákomum.

Rannsóknarlögreglumaðurinn Gunnhildur Gísladóttir og aðstoðarmenn hennar í lögreglunni á höfuðborgarsvæðinu rannsaka hvarf kvennanna. Þetta er önnur bókin um Gunnu sem kemur út á íslensku. Fyrri bókin, Bláköld lygi, fékk hinar bestu viðtökur.

Enski blaðaðmaðurinn og rithöfundurinn Quentin Bates hefur tekið ástfóstri við Ísland og glæpasögur hans gerast allar á Íslandi.