Sorg og rótleysi heltekur þau þrjú sem eftir sitja, enda rennur upp fyrir þeim að hinn hlýi og örláti Zachary hefur verið kjölfestan í lífi þeirra allra. Lydia er óhuggandi og flytur í ráðaleysi sínu inn á Alex og Christine. En harmurinn þjappar þeim ekki saman, þvert á móti koma gömul leyndarmál og gremja smám saman upp á yfirborðið og það hriktir í stoðum vináttunnar.

Breski rithöfundurinn Tessa Hadley hefur einstakt lag á að skrifa um náin tengsl og sálarflækjur. Hún hefur hlotið ýmis verðlaun og viðurkenningar fyrir verk sín, þeirra helst bresku Hawthornden-verðlaunin og bandarísku Windham Campbell-verðlaunin.

Herdís M. Hübner þýddi.