Bókin Af neista verður glóð – vísindi og vettvangur í félagsráðgjöf er gefin út í tilefni af 75 ára afmæli dr. Sigrúnar Júlíusdóttur, félagsráðgjafa og prófessors emeritus við Háskóla Íslands.

Bókin hefst á heillaóskaskrá og formála Jóns Atla Benediktssonar, rektors Háskóla Íslands, en skiptist síðan í tvo meginhluta.

Í fyrri hluta bókarinnar eru átta almennar greinar þar sem fjallað er um mikilvægi tengsla, þróun úrræða í félagsþjónustu, skólafélagsráðgjöf, réttarfélagsráðgjöf og forvarnir og um deigluna, söguna og samstöðuna í fagi og fræðum félagsráðgjafar.

Í seinni hlutanum eru 11 fræðilegar greinar þar sem varpað er ljósi á söguna, stöðuna og framtíðarverkefnin á völdum sviðum félagsráðgjafar. Bókin mun nýtast félagsráðgjöfum og öðru fagfólki í heilbrigðis- og velferðarþjónustu og nemum í félagsráðgjöf sem og öðru áhugafólki um viðfangsefni félagsráðgjafar.