Bænabókin – ný og ítarlegri útgáfa er í samantekt og ritstjórn Karls Sigurbjörnssonar biskups. Þessi bók er hugsuð sem förunautur á vegi bænar og trúarlífs, leiðsögn í bænalífi, leiðbeiningar um það hvernig dýpka má og þroska trúarlíf sitt. Hún geymir mikinn fjölda bæna gamalla og nýrra og úr ýmsum áttum, allt frá fyrstu tíð kristinnar og til okkar daga.

Bænasafn heimilanna er að finna í þessari fallegu bænabók. Hér getur hver og einn fundið við sitt hæfi bænir í önnum hversdagsins, í gleði og sorg, nýjar og gamlar, kunnar og óþekktar.

Þessi fallega bók er hönnuð af myndlistarkonunum Björgu Vilhjálmsdóttur og Höllu Sólveigu Þorgeirsdóttur.