COSMA – Skipulagsdagbókin er skemmtileg blanda af jarðtengjandi skipulagi og andlegum innblæstri og sögum af ferðalagi og mítum tunglsins í gegnum dýrahringinn. Þessi dagbók er unnin af Fjólu Björk Jensdóttur neovedískum stjörnuspekingi, sem notast við nákvæmt kerfi vedískrar stjörnuspeki. Hún býr að áratuga reynslu í lestri og túlkun stjörnukorta og ætti þessi dagbók að vera skemmtilegt innlegg fyrir alla þá sem vilja vita hvað gengur á himintunglunum og hvernig það hefur áhrif á okkur í daglega lífinu. Að auki er að finna hér hina vinsælu habit trackers, minnislista, vikuplan og auðar blaðsíður fyrir frjáls dagbókarskrif. Dagbókarskrif er viðurkennd og áhrifarík leið til að komast í dýpri tengsli við líðan sína og án efa mikilvægt fyrir alla sem vilja ná staðföstum árangri. Þessi þriðja útgáfa er áramótaútgáfan, sem spannar síðustu tvær vikur 2024 og nýja árið 2025.