Minningamyndir í skuggsjá tímans. „Þetta voru þau ár sem Staðaröxl var hæsta fjall í heimi, árin sem brunnklukkan var mesta óargadýrið í náttúrunni, þannig að við kögursveinar lögðum langa lykkju á leið okkar til þess að forðast lygnur og pytti; hét reyndar brúnklukka í máli okkar. Þeir sem gleyptu brunnklukku áttu ógnarkvalir í vændum, þúsundfalt harðari en hjá tannlækninum áður en dauðinn kæmi frelsandi eins og Daniel Glad hvítasunnutrúboði með Barnablaðið.“