Bæta á óskalistaEr á óskalista
Bæta á óskalista
Dularfulla styttan og drengurinn sem hvarf
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2020 | 282 | Original price was: 4.290 kr..990 kr.Current price is: 990 kr.. | ||
| Rafbók | 2020 | 1.490 kr. | |||
| Hljóðbók - streymi | 2020 | App | 2.990 kr. |
Dularfulla styttan og drengurinn sem hvarf
990 kr. – 2.990 kr.
Bæta á óskalistaEr á óskalista Bæta á óskalista
Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2020 | 282 | Original price was: 4.290 kr..990 kr.Current price is: 990 kr.. | ||
| Rafbók | 2020 | 1.490 kr. | |||
| Hljóðbók - streymi | 2020 | App | 2.990 kr. |
Um bókina
Glæsileg, rík og dularfull kona hefur keypt hús í Álftabæ en virðist engan áhuga hafa á neinum samskiptum við bæjarbúa. Dag einn hverfur ómetanleg froskstytta af heimili hennar. Á sama tíma virðist Doddi, bekkjarbróðir Millu, hafa gufað upp.
Á meðan áköf leit er gerð að Dodda reyna vinirnir Milla og Guðjón G. Georgsson að finna skýringuna á hvarfi hans, leysa ráðgátuna um froskstyttuna og komast að því hvort samhengi sé þar á milli. Þau flækjast þá inn í furðulegt glæpamál þar sem þau læra að skilja mikilvægi hjálpseminnar, gleðina sem felst í vináttunni og ofurkraftinn sem hugrekkið veitir.
Dularfulla styttan og drengurinn sem hvarf er önnur bók Snæbjörns Arngrímssonar og hlaut Barnabókaverðlaun Reykjavíkurborgar 2020. Fyrri sagan um Millu og Guðjón G. Georgsson, Rannsóknin á leyndardómum Eyðihússins, fékk Íslensku barnabókaverðlaunin 2019 og var tilnefnd til Barnabókaverðlauna Reykjavíkur.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 5 klukkustundir og 50 mínútur að lengd. Margrét Örnólfsdóttir les.
6 umsagnir um Dularfulla styttan og drengurinn sem hvarf
embla –
„Höfundur fer ákaflega létt með að véla lesandann inn í söguheiminn með lágstemmdum stíl og meitlaðri persónusköpun. Snæbjörn ber virðingu fyrir ungum lesendum og skilur margt eftir handa þeim til að ráða úr í textanum og lesa á milli línanna. En fyrir þá sem eru styttra á veg komnir standa fléttan og spennan fyllilega fyrir sínu og bókin á því erindi til margra. Dularfulla styttan og drengurinn sem hvarf er fágað verk sem skilur eftir löngun hjá lesanda að fylgja Millu og Guðjóni á vit nýrra ævintýra.“
Umsögn dómnefndar / Barnabókaverðlaun Reykjavíkurborgar
embla –
„Snæbjörn Arngrímsson á eina bestu barnabók þessa árs, Dularfulla styttan og drengurinn sem hvarf, allavega hlýtur hún að vera sú best skrifaða.“
Kolbrún Bergþórsdóttir / Kiljan
embla –
„Dularfulla styttan og drengurinn sem hvarf er margslungin spennusaga fyrir börn með alvarlegum undirtón, skrifuð á nær ljóðrænan hátt sem gefur börnum tækifæri til að lesa á milli línanna.“
Katrín Lilja / Lestrarklefinn
embla –
„Heilt yfir er því hiklaust hægt að mæla með Dularfullu styttunni og drengnum sem hvarf, sérstaklega fyrir kröfuhörð ungmenni sem vilja láta halda sér við efnið.“
Ragnhildur Þrastardóttir / Morgunblaðið
embla –
„Rannsóknin á leyndardómum eyðihússins og Dularfulla styttan og drengurinn sem hvarf eru virkilega vel skrifaðar, spennandi og grípandi sögur þar sem lesandinn er dreginn inn í heillandi heim þeirra Millu og Guðjóns G., Hrólfs ríka, furstynjunnar og allra þeirra hættulegu sem læðast um í myrkrinu. Margt í sögunum kallast á við hefðbundnar spennubækur fyrir unga lesendur, þar sem ævintýragjarnir krakkar fá ráðgátu til að leysa, lenda í alls kyns háska og tekst með þrautseigju og hugmyndaflugi að komast til botns í málunum, en íhugul rödd sögumannsins Millu, hið nokkuð óhefðbundna vinatvíeyki sem er í aðalhlutverki og sérstakt andrúmsloft gerir þessar sögur einstakar og öðruvísi.“
María Bjarkadóttir / Bókmenntaborgin
embla –
„Spennandi skáldsaga sem ungir lestrarhestar ættu að gleypa í sig með litríkum persónum og lifandi texta.“
Bryndís Silja Pálmadóttir / Fréttablaðið