Þetta er sjötta ljóðabók Einars Más Guðmundssonar. Einar Már er þekkastur fyrir skáldsögur sínar sem hafa notið mikillar hylli bæði hér heima og erlendis en hann sló fyrst í gegn sem ljóðskáld 1980 með bókunum Er nokkur í kórónafötum hér inni? og Sendisveinninn er einmana. Ári síðar kom út Róbinson Krúsó snýr aftur, árið 1991 sendi Einar frá sér ljóðabókina Klettur í hafi sem var tilnefnd til Íslensku bókmenntaverðlaunanna og árið 1995 kom út Í auga óreiðunnar. Árið 2002 komu þessar fimm bækur út saman í einni bók, Ljóð 1980–1995.
Ég stytti mér leið framhjá dauðanum er tímamótabók frá einu okkar helsta ljóðskáldi, bók sem kallast á við fyrstu ljóðabækur hans í dirfsku og róttækni – og húmor.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 1 klukkustund og 13 mínútur að lengd. Höfundur les.